-- ADVERTISEMENT --
Hugot ang pagbantay sa mga otoridad sa seguridad sa Lagao gym alang sa paghidangat ni Pangulong Ferdinand Marcos Jr. sa syudad ning adlawa, Mayo 10, 2024.
Kahibaloan nga nakasentro ang maong pagbisita alang sa pagpang apod-apod sa cash assistance niadtong mga apektadong sektor susama sa mga mag-uuma ug mananagat sa rehiyon tungod sa hulaw.
Sa pikas bahin, daan na usab nga gibutyag sa Mayor sa syudad nga si Lorelie Pacquiao nga walay “walk-ins” nga mahitabo tungod may natigayon na nga rehistrasyon sa mga benepisyaryo milabayng adlaw sa usa ka mall ning syudad ug sa Labangal gym.
Nasayran nga makadawat ug tig-10,000.00 ang mga benepisyaryo sa maog cash assistance gikan sa Department of Agriculture.
