Dili apektado ang Gilas Pilipinas Women sa kapildihan batok sa Team Japan sa kataposang group-stage game sa 20th Asian Games women’s basketball tournament.
Gipildi sa Japan ang Philippine national team, 89-67, pinaagi sa dominanteng performance sa mga starters sa host country.
Mismatched usab ang rebounding sa duha ka team, diin nakakuha ang Japan og 42 ka rebounds sa tibuok dula samtang 30 lamang ang nakuha sa Team PH. Sa 42 rebounds sa Japan, 24 niini ang offensive rebounds.
Kini ang unang kapildihan sa Gilas Women taliwala sa ilang maayong record sa group stage.
Bisan pa sa kapildihan, magpadayon ang kampanya sa Gilas Women sa nagpadayong Asian Games 2026.
Nakasulod daan sa quarterfinals ang Team PH bisan wala pa ang dula batok sa Japan, ug aduna gihapoy higayon nga makakuha og bronze medal o mas taas pa nga medalya.
Sa pagkakaron, naghulat pa ang Gilas Women sa ilang makontra sa quarterfinals, nga mahimong China, Indonesia o Chinese Taipei.
