Gidala pag- usab sa ospital ang legendary singer nga si Lionel Richie human giatake sa sakit nga may kalabotan sa iyang kasingkasing.
Sumala sa iyang kampo, anaa sa ospital ang singer tungod sa atrial fibrillation o dili regular nga pagpitik sa kasingkasing.
Gipasabot sa mga doktor nga dili kini ikonsiderar nga major procedure ug gamay lamang ang samad nga himuon sa kasingkasing aron mapugngan ang sayop nga electrical signal gikan niini.
Tungod niini, napugos ang singer nga kanselahon ang iyang mga show kauban ang grupong “Earth, Wind & Fire” sa San Francisco, Chicago ug Columbus, Ohio.
Kini na usab ang ikatulong higayon nga naospital ang singer sa miaging mga bulan.
Niadtong Agosto, gidala siya sa usa ka ospital sa St. Louis ug nagpabilin sulod sa pipila ka adlaw sa Intensive Care Unit, sa wala pa siya gipagawas human sa pipila ka adlaw.
