Wala makakuha og gold medal si Filipino fighter Jean Claude Saclag sa 2026 Asian Games.
Napildi siya ni Otabek Rajabov sa Tajikistan sa finals sa men’s -65 kilogram class sa traditional mixed martial arts.
Gidominar ni Rajabov ang laban ug nakadaog pinaagi sa iskor nga 3-0 sa ilang showdown nga gipahigayon sa Nagoya City Inae Sports Center.
Tungod niini, silver medal lamang ang nasakmit ni Saclag.
Kahinumduman nga nakaabot sa finals si Saclag human niya mapildi si Daisuke Murayama sa Japan pinaagi sa unanimous decision sa semifinals.
Gipadayag ni Saclag ang iyang dakong pagmahay ug miingon nga wala niya damha nga mas maayo ang performance nga gipakita sa Tajikistan fighter.
Giangkon usab niya nga sa unang round nahimong agresibo siya, nga nakaapekto sa iyang game plan.
Una nang nakakuha og bronze medal ang iyang kauban sa team nga si Carlos Alvarez sa men’s 77-kilogram class.
