GENERAL SANTOS CITY – Nagpasalamat si Sarangani Board Member Jose Tranquilino Ruiz nga naapil sa circum navigation ang Kamanga, Maasim ug Batulaki sa Glan Sarangani Province sa Portuguese navigator and explorer Ferdinand Magellan kaniadtong tuig 1521.
Si Ruiz ang chairman sa komitiba sa turismo ug Culture and the Arts sa Sangunian Panlalawigan nagbutyag nga ilang gipangandaman ang pagbutang ug historical marker sa Batulaki ug Kamanga karong bulan sa Marso.
Luyo nga dili pa kompirmado apan gipangandaman na ang pag-abut sa mga representante sa nasud Espanya ug Portugal sa bulan sa Oktobre alang sa pagtambong sa nahisgutang aktibidad.
Matud ni Board Member Ruiz nga dihang nagbiyahe kaniadtong Oktobre 26, 1621 gikan sa Zamboanga ang 18 ka sakop ni Magellan sa pagpanguna ni Sebastian Elcano ilang nakatagbo ang bagyo busa mitago sa Kamanga sa Maasim apan napadpad didto sa Batulaki sa Glan ug didto nag- angkorahe.
Human sa bagyo mipadayon sa ilang paglayag ang barko ni Magellan pabalik na sa nasud Espanya .
Matud sa opisyal nga sa Oktobre 26 muabut sa lugar ang taga Philippine Historical Commission kuyog ang taga National Quincentenial committee aron bisitahon ang lugar .
