GENERAL SANTOS CITY – Giawhag ni Atty. Jong Gonzales, Department Head sa Public Safety Office (PSO) Gensan ang tanang traysikol drivers nga wala pay franchise nga magproseso na og mga dokumento aron nga mahimong legal ang pagpamasada.
Matud pa sa maong opisyal, importante nga legal ug rehistrado ang tanan nga naga-operate isip pampublikong sakyanan, aron masiguro ang kaluwasan sa mga pasahero.
Panawagan usab ni Atty.Gonzales sa mga adunay prangkisa apan expired na, nga kinahanglan mag-renew na sila.
Ang proseso sa renewal mas sayon ug mas paspas karon, apan kinahanglan lang nga kompleto ang mga dokumento ug klaro ang pag-operate sa sakyanan.
Samtang sa pikas bahin, nanawagan ang maong opisyal sa mga franchise holder nga angayang “yellow plate’ ang ilang plaka sa traysikol.
