Nagpaambit og kalipay ang aktres ug content creator nga si Kiray Celis ug iyang bana nga si Stephan Estopia human nila mahibal-an nga lalaki ang ilang unang anak.
Sa usa ka intimate gender reveal party nga gitambongan sa ilang pamilya ug suod nga mga higala, makita ang magtiayon nga hilabihan sa kalipay sa dihang mibutho ang asul nga aso nga nagpasabot nga baby boy ang ilang anak.
Matud pa sa igsoon ni Kiray nga si Jhopay, dako kaayo ang iyang kalipay alang sa magtiayon ug sa ilang umaabot nga anak.
Niaging Abril, gipahibalo ni Kiray ang iyang pagmabdos pinaagi sa emosyonal nga video diin nakita siyang mihilak human makita nga positibo ang resulta sa pregnancy test.
Gipadayag usab sa magtiayon nga excited na sila sa ilang bag-ong panaw isip mga ginikanan ug nagpasalamat sa suporta sa ilang pamilya ug mga higala. Naminyo sila sa Shrine of St. Therese niadtong Disyembre 2025.
