GENSAN – Nagpadala ang Police Regional Office 12 (PRO 12) ug dugang puwersa gikan sa Special Electoral Boards (SEBs) aron suportahan ang luwas, malinawon ug hapsay nga pagpahigayon ug 2025 National and Local Elections sa mga Special Geographical Areas (SGAs) sa Bangsamoro Autonomous Region in Muslim Mindanao (BARMM).
Gipangunahan ni PBGen. Arnold P. Ardiente, Regional Director sa PRO 12, ang send-off ceremony nga gipahigayon sa Provincial Capitol Grounds, Amas, Kidapawan City.
Mitambong usab sa seremonya silang PCol. Nathaniel G. Villegas, Deputy Regional Director for Operations, PCol. Gilberto B. Tuzon, Provincial Director sa Cotabato Police Provincial Office, mga Provincial Directors ug ang City Director sa General Santos City Police Office (GSCPO) PCol.Nicomedes Olaivar, kauban ang uban pang tag-as nga opisyal sa PRO 12.
Gideploy ang augmentation team sa mga pinili nga lugar sa BARMM nga lakip sa mga gitumbok nga election hotspots, isip kabahin sa gipahugtan nga lakang sa Philippine National Police (PNP) aron masiguro ang integridad, seguridad, ug malinawong eleksyon.
Matud ni Ardiente nga tibuok puwersa sa PRO 12 ang andam na og naka-alerto aron siguruhon ang kaluwasan sa katawhan ug malampuson nga eleksyon sa Mayo 12.
