Natapos sa ikaupat nga puwesto ang Filipino singer nga si Matty Juniosa sa Season 19 sa Britain’s Got Talent human sa grand finals nga gipahigayon niadtong Sabado sa United Kingdom.
Sa iyang final performance, gihatud ni Matty ang emosyonal ug kusganong rendition sa kanta nga Nothing Compares 2 U nga nakadawat og daghang pagdayeg gikan sa mga judges.
Gihulagway ni Alesha Dixon ang iyang tingog nga “effortlessly sensational,” samtang gitawag usab ni Simon Cowell nga “absolutely brilliant” ang iyang performance.
Bisan wala makadaog sa titulo, nahimong usa sa paborito sa kompetisyon si Matty human makadawat og duha ka Golden Buzzers gikan nila Sofía Vergara ug Amanda Holden atol sa semi-finals.
Ang Hawkstone Farmers Choir maoy nakadaog sa maong kompetisyon base sa viewer votes.
