Dili na upat ka quarters kondili tulo na lamang ka terms ang sundon sa mga tulunghaan sa umaabot nga School Year 2026-2027 ubos sa bag-ong patakaran sa Department of Education (DepEd).
Matud ni Kenneth Carisma, Division Information Officer sa DepEd General Santos City, ang Term 1 adunay 69 ka adlaw sa klase ug magsugod sa Hunyo 8 hangtud Septiyembre 15, 2026. Samtang ang Term 2 magsugod sa Septiyembre 16 hangtud Disyembre 18, 2026.
Ang Term 3 usab adunay 67 ka adlaw sa klase ug magsugod sa Enero 4, 2027 hangtud Abril 8, 2027.
Gipasabot ni Carisma nga kabahin kini sa bag-ong academic calendar nga gipatuman sa DepEd aron mas maorganisa ang pagtungha ug paghatag sa mga leksyon ngadto sa mga estudyante.
Dugang pa niini, dili angay mabalaka ang mga ginikanan ug mga estudyante tungod kay magpahigayon ang DepEd og mga orientation ug information drive aron mas masabtan sa tanang stakeholders ang bag-ong three-term system.
Padayon usab ang DepEd sa paghatag og mga giya ug impormasyon aron masiguro ang hapsay nga implementasyon sa maong kausaban sa umaabot nga tuig sa pagtungha
