GENSAN– Naghinaut si PBGEN. Arnold Ardiente ang rgional director sa PRO12 nga mapadayon ang pagkamaayong pulis human makapasar sa Philippine Bar Examinations ang iyang mga sakop sa PRO12.
Gipahibalo ni PBGEN. Ardiente nga ang mga opisyal nga nakapasar mao sila:
PLTCOL/Atty. Michael C. Odejerte,
PSSg/Atty. Barry C. Quimno,
PSSg/Atty. Lyod E. Lendio, ug
PSSg/Atty. Renan G. Mendoza.
Nalipay kaayo ang Regional Director sa maong kalampusan ug giingon nga dakong tabang kini sa ilang kauban sa pulisya, labi na sa mga aspeto sa legal nga bahin sa ilang trabaho.
Isip usa ka abogado ug Regional Director, giangkon ni PBGEN. Ardiente nga dili lalim ang agianan aron hingpit nga mahimong abogado.
Kinahanglan ang hugot nga pagtuon ug pag-andam gikan sa pagsugod sa kurso hangtod sa pagkuha sa Bar Examinations.
Ang pagkahuman sa Bar, matod niya, dili lamang kalampusan sa personal nga aspeto, apan dakong benepisyo usab alang sa organisasyon ug sa katawhan nga ilang giserbisyohan.
