GENERAL SANTOS CITY – Dako ang pagsalig ni Police Brigadier General Elesio Rasco, regional director sa Police Regional 12 sa katakos sa bag-ong tuboy nga PNP city director sa lungsod sa Cotabato.
Kagahapon, dihang pormal nang milingkod si Colonel Portia (Porsya) Bañaga Manalad human nga gihulipan si City director Col. Michael Lebanan.
Matud pa ni Police Lt. Col. Aldrin Gonzales, ang tigpamaba sa PRO-12 nga bisan ug babaye apan maayo og may taas nga kasinatian si Col. Manalad sa sa trabaho niini pagka-pulis nga sa pagtan-a nila paigo aron dumalahan ang kapulisan sa Cotabato.
Sa pahayag ni Gonzales, ilawom gihapon ni Gen. Rasco ang Administrative Operation sa Cotabato City Police Office bisan pa ug napailawom na sa Bangsamoro Autonomous Region in Muslim Mindanao.
Nasayran nga gipahigayon ang turn-over kagahapon sa CCPO headquarters sa PC Hill Cotabato City apan wala makatambong si Gen.Rasco.
Si Col. Manalad, ang pinaka-unang babayeng City director sa Cotabato City Police Office og pinaka-una sa PRO-12 ug tibuok Mindanao region.
Nag-inusara kining babaye nga nag-gradwar sa PNP Academy niadtong 1995.
Kanhing nadestino sa UN Mission sa United Nation Police nga mitabang sa pagpatuman sa kalinaw sa Kosovo og East Timor.
