Pormal nga midangop sa Korte Suprema ang koalisyon sa 1SAMBAYAN aron paminawon ang ilang apela nga mapugngan ang Senado nga muhimo og unsa mang bag-ong aksyon kabahin sa Impeachment.
Sa consolidated motion nga gisang-at sa grupo sa Korte Suprema, nalangkob dinhi ang ilang Motion to Intervene lakip ang ‘Attached Omnibus Motion for Reconsideration, Status Quo Ante Order og Motion for Oral Arguments’.
Gusto sa grupo nga maghinay-hinay una ang Senado, nagsilbi isip Senate Impeachment Court nga muhimo kini og bag-ong aksyon o lakang kabahin sa impeachment ni Vice President Sara Duterte.
Sumala kang Atty. Howard Calleja, Co-Convenor sa 1SAMBAYAN coalition, angayan pa una nga tukion o subling balikan sa Korte Suprema ang desisyon niini kabahin sa Impeachment ni VP Sara. Gihingusgan pa ni Atty.
Howard Calleja, kung gustong respituhon sa Senado ang desisyon sa Supreme Court, angayang respituhon niini ang proseso nga ginasunod o mandato sa Konstitusyon.
