GENERAL SANTOS CITY – Posebling makahimo ug panabotahe dinhi sa syudad kung wala masikop ang sakop ni Tokboy Maguid sa grupong Al Khilaffa Philippines usa ka lokal ISIS inspired group nga naglihok sa Sarangani ug South Cotabato.
Kini ang nahimong pahayag ni Police Major Rexor Canoy, tigpamaba sa kapulisan niining syudad atul sa pagpresenta sa dinakpan nga si Jomar Maan alias Potpot 23 anyos nga residente sa Upper London, Barangay Bawing ning syudad.
Kini human gidakop ang nahisgutan gamit ang search warrant nga gipagawas sa korte.
Matud ni Canoy nga gitudlo si Maan sa mga sakop ni Maguid nga unang nasikop luyo nga miangkon nga gidagit nilang Tokboy ug gihimo nga kusinero sa grupo.
Nakuha gikan sa suspek ang usa ka 38 revolver ug mga bala, mga gamit sa paghimo ug Improvised Explosive Device(IED), og flag sa ISIS.
