-- ADVERTISEMENT --

GENERAL SANTOS CITY – Nag-viral karon sa social media ang usa ka video sa usa ka lalaki nga nag-masturbate samtang sakay sa tricycle dinhi sa dakbayan.

Kini human nagreklamo ang usa ka dalaga, 18 anyos sa kapulisan batok sa maong lalaki nga pasahero usab sa traysikel.

Pagsaysay sa dalaga, dihang misakay siya sa traysikel gikan sa Bulaong terminal og magpahatud sa Calumpang, nakasakay nang daan sa likod nga bahin ang 26 anyos nga lalaki.

Gibutyag niini, samtang gadagan ang traysikel, kalit na lang giablihan sa lalaki ang zipper sa pantalon ug dayun gidula-dulaan ang kinatawo samtang nakaatubang kaniya.

Sa iyang pamahayag, wala siya makasumbong sa driver human gibaharan siya sa lalaki.

-- ADVERTISEMENT --

Niadtong tungura, gibati og kahadlok ang dalaga apan nakahigayun sa pagkuha og hulagway sa lalaki og gikuhaan ug video samtang nagmasturbate ang nasampit.

Kini human nga nagpakaaron-ingnon nga adunay ka-text sa cellphone.

Gikabutyag sa dalaga nga minaug ang lalaki sa Puting Bato Calumpang ning syudad. Nasayran nga ang igsuon sa maong dalaga ang nagpost sa maong malaw-ay nga video.

Gitugyan na sa nasampit ngadto sa kapulisan ang pag-ila sa maong lalaki human nga makahatag na og kopya sa video. Pagkakaron, ang maong video ang gipyesatahan sa katawhan kon asa may kapin 500 shares na sa Facebook.