GENERAL SANTOS CITY – Karong adlawa na ang opening sa Soccksargen Regional Athletics Association nga ipahigayon sa Acharon Sports Complex sa pagpanguna sa Deped Gensan sa pakig-alayon sa LGU Gensan.
Kini human miabut miaging adlaw dinhi sa syudad miaging adlaw ang mga atleta gikan sa upat ka probinsya ug tulo ka syudad.
Una nga gibutyag ni Gensan School Division Superintendent Isagani de la Cruz nga opening program lamang ang himuon karong adlawa, Mayo 13, 2024 apan ugma na sugdan ang mga padula.
Gani in high spirit na matud pa ang mga atleta sa syudad tungod sila ang champion sa miaging SRAA meet didto sa Kidapawan City.
Gumikan matud pa niini bentaha sa taga Gensan nga makakuha ug gold medal nga kinahanglan aron madala sa Palarong Pambansa ang usa ka magdudula.
Gawas sa Acharon sports complex daghang venue pa ang pwede makita ang mga padula hilabi na sa mga indoor games.
