Usa matud pa sa motibo nganong gipusil sa suspek nga si PCPL Renante Villanueva ang iyang kaubang pulis nga si PCPL Kim Lloyd Pedregosa sa milabayng gabii, Setyembre 18 ning tuiga sa Brgy. Poblacion, Kidapawan City.
Gikabutyag nga sa wala pa nahitabo ang krimen, aduna matud pay mga pagpang-kantyaw nga nahitabo sailang Group Chat nga manag tropa.
Dugang pa nga dili kini direkta nga kantyaw ngadto sa suspek tungod daw gabugal-bugal lang sila sailang GC ug bisag unsa ra ang topiko, apan wala damha nga napikon na diay ang maong suspek sa maong hisgutanan.
Kaniadtong Setyembre 18 sa gabii nag-inom ang suspek ug ilimnong makahubog samtang ang biktima ang nahigda na sa kwarto aron magpahulay ug didto gisulod kini sa suspek ug gitiro makapila rason sa kamatayon ni PCpl. Pedregosa.
Hinoon, boluntaryo man usab nga mitahan sa kapulisan ang suspek nga PCpl. Villanueva ug kasamtangan nga balhog sa Kidapawan City Police Station.
