Nakita sa Department of Trade and Industry (DTI) nga ang eksport sa lubi sa Pilipinas misaka og 35% samtang ang global demand sa ube ug calamansi misaka.
Sumala ni Trade Secretary Maria Cristina Roque, bisan pa man og kusog ang demand sa pinya ug saging, ang ube ug calamansi giisip na karon nga “rising stars” kon bahin sa eksport sa Pilipinas.
Usa ka sikat nga multinational chain sa mga coffeehouse ug roastery reserves ang naglunsad og ube drink sa London, matod ni Roque, busa kini maayong balita para sa mga mag-uuma sa ube ug sa industriya sa ube.
Gawas sa potensyal sa Pilipinas sa eksport sa agrikultura, aduna usay mga semiconductor, mineral, ug mga piyesa sa elektroniko ug awto.
Sa agrikultura, ang mga produkto sa Pilipinas kanunay nga moadto sa mga merkado sa US, European Union, Asia, South America, ug United Kingdom.
Sumala sa datos sa ahensya, ang eksport moabot sa labing taas nga lebel sa 2025 nga adunay 15.4 porsyento nga tinuig nga pagtubo.
Ang Pilipinas mao ang ikaduha nga pinakadako nga prodyuser ug exporter sa mga produkto sa lubi sa kalibutan.
