GENERAL SANTOS CITY – Mukabat sa 300 ka mga ka classroom ang gikinahanglan sa pipila ka mga tulonghaan sa dakbayan sa Heneral Santos.
Matud ni Isagani dela Cruz, Schools Division Superintendent sa Department of Education nga nagpatuman sila og class-shifting schedules sa pipila ka mga tulonghaan sa syudad labi pa sa mga high schools tungod sa kakulangon sa classroom.
Dugang niini nga gipadangat na nila ang maong problema sa regional office apan dili lamang sa dakbayan ang nakasinati sa maong problema apan ang uban nga mga syudad ug munisipyo nga sakop sa rehiyon.
Luyo pa man niini gipanigurado sa opisyal nga ginabuhat sa mga magtutudlo ang ilang makaya alang sa paghatag sa dekalidad nga edukasyon sa kabataan.
Sumala pa sa maong opisyal nga adunay ginapahigayon nga training ang mga teacher labi pa nga ginasugdan na usab ang pagpatuman sa Matatag Curriculum
