Makigsangka si Filipina tennis star Alexandra “Alex” Eala batok kang Tatiana Prozorova sa Russia sa Round of 16 sa Singapore Open sa Huwebes, Setyembre 24 .
Nakadawat og first-round bye si Eala human nahimong No. 3 seed sa maong WTA 500 tournament.
Samtang, si Prozorova nga anaa sa No. 180 sa WTA rankings nakasulod sa Round of 16 human niya pildihon si Sofia Costoulas sa Belgium, 5-7, 7-6 ug 6-2.
Ang modaog sa ilang panag-atbang makakuha og puwesto sa quarterfinals diin makaatbang niini ang mudaog sa dula tali kang Xinyu Wang sa China ug Joanna Garland sa Chinese Taipei.
Ang Singapore Open mao ang kataposang WTA event ni Eala sa dili pa ang Asian Games, diin iyang gipunting ang unang gold medal human nakadaog og bronze sa miaging edisyon.
Gipili ni Eala nga moapil sa Asian Games ug dili na moduwa sa China Open, human nakaabot sa Round of 16 sa iyang kampanya sa US Open.
