Mga Pinoy nga naangol sa airstrike sa Iran sa Israel niabot sa 6; 1 kritikal – OWWA

Moabot ngadto sa unom ka mga Pinoy ang naangol sa nagpadayong Iranian missile strike sa Israel.

Matod sa Overseas Workers Welfare Administration (OWWA), upat ka mga Pinoy ang nakagawas na sa tambalanan.

Samtang ang usa nagpaalim pa sa tambalanan.

Kritikal ang kahimtang sa usa ka Filipino caregiver human naigo sa debris gikan sa building nga naigo sa air strike.

Ang OWWA padayon nga nakig-alayon sa Department of Migrant Workers sa mga nasamdan nga mga Pilipino.