Nakadiskubre ang Philippine National Police Forensic Group og kapin sa 2,000 ka mga bukog gikan sa Taal Lake kalabot sa imbestigasyon sa mga missing sabungero nga giingong gipatay ug gilabay sa nahisgutang lanaw.
Sumala ni PNP Forensic Group Director Pierre Paul Carpio, ang DNA sa mga bukog gi-cross-match sa DNA sa nawala nga mga sabungero.
Nagdumili si Carpio sa pagsulti kung aduna bay nailhan tungod sa mga hagit nga nalangkit sa proseso sa cross-matching.
Mahinumduman nga ang whistleblower nga si Julie Patidongan nagbutyag bahin sa giingong pagkidnap, pagpatay ug paglabay sa daghang mga sabungero sa Taal Lake tungod sa giingong pagpangilad.
Gitudlo usab ni Patidongan ang gambling tycoon nga si Atong Ang isip giingong mastermind sa luyo niini. Si Ang ug 20 pa ka mga akusado ang gipasanginlan na kalabot niini.
Si Ang lamang ang suspek nga gawasnon tungod kay ang iyang uban pang mga kauban nga akusado nadakpan na.
