Mopasaka og apela ang kampo ni Senador Bato dela Rosa batok sa ‘revocation order’ sa iyang lisensya sa armas.
Gipahibalo kini sa iyang legal counsel, si Atty. Israelito Torreon, sa usa ka interbyu kagahapong adlawa
Giinsistir ni Torreon nga kinahanglan una nga adunay hukom ug mando gikan sa korte sa dili pa ipatuman ang revocation sa lisensya.
Giingon usab sa kampo kaniadto nga nakadawat sila og mando gikan sa Philippine National Police (PNP) nga bawion ang License to Own and Possess Firearms ug firearms registration ni Dela Rosa.
Si Dela Rosa adunay kasamtangang arrest warrant gikan sa International Criminal Court (ICC) tungod sa giingong pagka-kauban sa kampanya sa gubat batok sa droga ni kanhi Presidente Rodrigo Duterte atol sa iyang administrasyon.
