GENERAL SANTOS CITY – Miapila si Kagawad Edmar Yumang ngadto sa mga investors sa mga investment scam nga dili mangransak sa balay sa mga lider sa maong grupo.
Matud pa ni Kag Yumang nga kini gumikan kung basehan ang balaod pwede nga makasuhan ang mga nangransak og kasong robbery kung may gikuha nga mga butang lakip na trespassing.
Ang iyang hangyo ngadto sa mga investors nga magmakalmahon kung asa ipaagi sa legal nga proseso o kaha pasakaan og kaso ang mga founder o laing mga opisyal sa investment group.
Gibutyag pa sa maong opisyal nga alarming na ang sitwasyon busa nga dili mahimong mainiton ang ulo.
Kahibaluan nga giransak sa katawhan ang balay matud pa sa inahan ni Jun Sanches nga founder sa NMC Trading sa Lagao gumikan sige lang saad nga ihatag ang kwarta sa mga investors apan wala nahitabo.
Makalabay ang pipila ka gabii sunod nga giransak ang giarkilahan nga balay ni Sanches sa Doña Soledad ning dakbayan.
