GENERAL SANTOS CITY – Magpatuman ug mas estrikto nga patakaran ang tigdumala sa ika 46 nga fiesta ni Sr. Sto Niño de Bula atul sa fluvial parade karong adlaw nga Lunes.
Dominggo pa lamang nga adlaw magpatuman ug liquor ban ang barangay alang sa mga muapil sa fluvial parade.
Kini aron malikay sa unsa mang disgrasya samtang magsakay ug bangka O kaha panagatan aron musunod sa fluvial parade.
Kini ang nakasabutan sa final press briefing kagahapon sa hapon nga gitambungan sa nagkalain laing stakeholder.
Aron pagsiguro nga hapsay ang fluvial parade mukabat lamang sa trenta y uno ang gitugutan nga makasakay sa amphibian nga magdala kang Sto. Niño didto sa dagat.
Kagahapong adlawa may mga pangalan na sa mga indibidwal nga makasakay kauban sa patron nga mugikan sa simbahan human gayud sa unang Misa nga ipahigayon.
Ang trenta y uno ang kinahanglan nga magsul-ob ug life vest samtang giplastar na sa Philippine Coast Guard ang mga fishing boat nga musunod sa parada samtang gibawal nga mag over take sa carrier.
Alang niadtong muapil sa fluvial parade sundon lamang ang rota hangtud mubalik kini paingon sa baybayon sa barangay South ug human mudunggo sugdan ang parada paingon sa simbahan.
