GENERAL SANTOS CITY – Gihingusgan ni Pmaj Oliver Pauya, Traffice Enforcement Unit Chief ning dakbayan, nga target sa iyang liderato nga mamahimong role model sa tibuok nasud ang lakat sa trapiko sa Heneral Santos.
Iyang ginaduso nga walay korapsyon nga mahitabo ilawom sa iyang pagdumala human nga aduna siyay nabalitaan nga may pipila ka mga traffic enforcers ang gapangayo ug kwarta kon gapangotong sa mga motorista ning dakbayan.
Iyang giawhag ang publiko nga kung adunay susama nga panghitabo, i-report dayon sa iyahang opisina kay siya mismo ang mu-displina sa mga malambigit nga traffic enforcers.
Kung kinahanglanon, siya pa mismo ang magpasaka ug kaso batok kanila.
Gawas niini, siya mipasalig nga dili sila maglangay-langay sa pag-responde sa mga panghitabo ug aksyunan ang maski unsa mang problema nga ilang madawat sa buhatan aron makahatag ug serbisyo nga tarong alang sa mga katawhan sa Heneral Santos.
