Kitang tanan adunay tagsa-tagsa nga mga kinaiya—kanang gagmay nga mga butang nga atong buhaton kung walay nagtan-aw.
Apan kumusta kon ang usa sa maong mga bisyo ang maong rason nganong nadala sa ospital?
Mao ni ang nahitabo sa usa ka lalaki sa China nga daling gidala sa Southwest Hospital sa Army Medical University sa Chongqing.
Iyang reklamo?
Usa ka ubo nga dili gyud mawala, bisan pagkahuman sa pag-inom og cough syrup.
Nagsugod na sa pag-ilis og kolor ang iyang mga mata.
Dihang gipahigayon sa mga doktor ang CT og MRI scan, sila nakamatikod sa pipila ka talagsaon nga mga ‘shadow’ sa ubos nga bahin sa iyang tuo nga baga.
Ang bronchoscopy nagpakita sa usa ka butang nga wala damha, kini usa ka fungal infection sa iyang mga baga tungod sa Aspergillus, usa ka komon nga ‘agup-op’.
Asa kini gikan?
Aw… ang lalaki sa katapusan miangkon nga siya adunay usa ka talagsaong ‘habit’ nga pagkahuman sa pagpauli gikan sa trabaho, iyang gisimhot ang iyang gigamit nga medyas sa dili pa kini ibutang sa labhanan.
Oo, tinuod kini!
Bisan kung kini katingad-an, kini nga routine sa lalaki mao gyud ang lagmit nga hinungdan sa impeksyon nga nakaangkon niya sa baga.
Sumala sa mga doktor, ang gigamit nga mga medyas ang puno sa singot, asin, urea, ug nagmugna og init, basa nga palibot sulod sa mga sapatos kung asa perpekto nga kondisyon alang sa pagtubo sa fungal.
Ang pagsimhot niadtong mga medyas nagtugot sa mga ‘spores’ sa ‘agup-op’ nga makasulod sa iyang ilong ug sa mga agianan sa hangin, nga mahimo dayon nga mobiyahe ngadto sa iyang mga baga.
Ang resulta? Usa ka posibleng seryoso nga impeksyon sa baga nga adunay dugay nga epekto.
