Nakatala og bag-ong opisyal nga rekord sa Guinness World Records ang South African nga si Luke Bell alang sa pinakataas nga gidugayon sa pagpalupad sa usa ka ‘electrically powered drone’.
Nalabwan ni Bell ang upat ka oras nga pagpalupad sa usa ka ‘multirotor drone’ nga adunay gibug-aton nga lima hangtod 20 ka kilo.
Ang maong drone nakalupad sulod sa 4 ka oras, 21 minutos ug 39 segundos, nga gikonsiderar nga bag-ong rekord alang sa maong klase sa drone.
Gamit sa drone ang electric power ug mga espesyal nga materyales aron mas mapadugay ang paggamit sa enerhiya sa baterya samtang naglupad kini.
Ang kalamposan ni Bell nagpakita sa padayong pag-uswag sa teknolohiya sa mga ‘electric drone’, nga kasagarang limitado lamang sa pipila ka minuto ang ‘flight time’.
