Ipinagpaliban muna ng Quezon City Regional Trial Court Br. 98 ang pagbasa ng sakdal o “arraignment” ni Vice President Sara Duterte para sa mga kaso nitong kinakaharap.
Ayon kay Atty. Paul Lawrence Lim, legal counsel ng bise presidente, na-deferred ang ‘arraignment’ dahil sa kanilang nakabinbin ‘motion for partial reconsideration ad cautelam’ sa korte at ‘petition for certiorari’ naman sa Korte Suprema.
Gayunpaman, nagpaabot pa rin ng pasasalamat si Vice President Sara Duterte sa kanyang mga tagasuporta matapos nitong personal magtungo sa korte.
Kinakaharap ng ikalawang pangulo ang tatlong bilang ng kasong ‘grave threats’ kaugnay sa pagbabantang binitawan sa buhay nina Pres. Ferdinand ‘Bongbong’ Marcos Jr, first lady Liza Araneta-Marcos, at dating House Speaker Martin Romualdez.
