-- ADVERTISEMENT --
Nagtinabangay ang upat ka pasahero aron mapahunong ang taxi human mawad-an og panimuot ang 66-anyos nga driver sa Hong Kong.
Nahitabo ang insidente niadtong Septiyembre 28 samtang nagpadayon sa pagdagan ang taxi bisan wala na makontrol sa driver ang sakyanan.
Base sa dashcam footage, makita ang mga pasahero nga naningkamot sa pagkontrol sa manibela ug pagpahunong sa taxi aron malikayan ang mas dakong disgrasya.
Sa ulahi, nahunong ang taxi human kini mabangga sa roadside barrier.
Wala maunsa ang upat ka pasahero bisan pa sa nahitabo, samtang ang driver gidala sa ospital ug gikatahong anaa sa kritikal nga kondisyon.
-- ADVERTISEMENT --
Padayon pang gisusi sa mga awtoridad ang insidente ug ang hinungdan sa kalit nga pagkawad-an og panimuot sa driver.
