Nagmugna ang Tau Robotics og ‘humanoid robot’ nga gidesinyo aron makahimo og nagkalainlaing buluhaton sa sulod sa panimalay, lakip na ang paglimpyo.
Mahimo sa robot ang pag-vacuum sa salog, pagpahid sa mga lamesa, pagpunit sa mga butang nga nagkatag ug paglabay sa basura.
Gitanyag na sa kompanya ang maong serbisyo sa San Francisco, California diin mokantidad og $30 kada oras ang paggamit sa usa ka robot.
Apan samtang nagtrabaho ang robot, adunay tawo nga nagmonitor ug nagkontrol niini sa layo.
Gamit usab sa ‘humanoid robot’ ang ‘artificial intelligence’ aron matabangan kini sa paglihok ug pagbuhat sa mga buluhaton sulod sa balay.
Sumala sa mga taho, bahin kini sa paningkamot sa Tau Robotics nga mapalambo pa ang teknolohiya aron sa umaabot mas daghang buluhaton sa panimalay ang mahimo sa mga ‘humanoid robot’.
