-- ADVERTISEMENT --
Nagpadayon sa pagkakaron ang konstruksyon sa ₱100 milyon nga kantidad nga Dr. George Royeca Hospital sa General Santos City.
Matud ni Mayor Lorelie Geronimo Pacquiao, gilauman nga mahuman sulod niining tuiga ang lima ka andana nga building aron dayon kining magamit sa katawhan ug makahatag og mas maayong serbisyo sa panglawas.
Gipasabot usab sa mayor nga sa dihang mahuman na ang bag-ong pasilidad, ibalhin dayon ang operasyon ngadto niini.
Ang daang building sa ospital pagasailalom usab sa renovation aron mapauswag pa ang kahimtang ug kahupayan sa mga pasyente.
Gilauman nga pinaagi niini nga proyekto, mas mapalapad ang kapasidad sa ospital ug mas mapalambo ang serbisyo medikal alang sa mga residente sa dakbayan
