GENERAL SANTOS CITY – Gikonsidera nga sulbad na ang kaso sa pagpatay sa biktima nga si Arnel Payas Aguilar, 36 yrs. old, minyo, litshonero nga taga Purok 18, Block 40, Brgy Fatima ning syudad.
Kini human naaresto ang mga suspek sa gipahigayong hot pursuit operation sa mga otoridad.
Ang mga suspek ang nailhan sa pangalan nga si Rene Sanchez, 40 yrs.old og Sidny G. Alaba, 42 yrs. old.Naaresto ang mga nasampit gumikan sa kooperasyon sa kapulisan hinungdan nga paspas nga nakit-an ang mga suspek.
Nasayran nga si Aguilar ang bag-uhay lamang nga nakagawas Lanton City Jail.
Ang kalambigitan sa pagkabilanggo sa nasampit ang usa sa mga gitutukan sa kapulisan nga anggulo sa kremin.
Hinoon wala gipadaplin sa kapulisan ang laing anggulo nga posibleng hinungdan sa pagpusil patay sa biktima.
Samtang giangkon ni Magdalena Bombales inahan sa biktima nga nabilanggo ang iyang anak tungod sa paggamit sa iligal nga droga.
