GENERAL SANTOS CITY – Dili mabag-o ang kampanya sa kapulisan sa rehiyon dose samtang si Police Brigadier General Jimili Macaraeg pa ang ilang labaw.
Hagit nga kanunay matud pa niini litokonang mga programa alang sa mga ginsakpan aron mahimong giya sa matag usa.
Matud ni General Macaraeg samtang sul-ob pa nila ang uniporme sa Pulis magpadayon kini nga challenge kanila.
Atul sa pagdeskurso niini sa turn over of command sa Camp Fermin Lira gibutyag niini nga walay undang ang hagit nga muabut.
Panawagan niini sa mga dili magpabadlong nga sakop nga mupahawa na lamang sa serbsiyo sukwahi sa motto niini nga service with a heart.
Atul sa pagbutang niini kang Police Col. Nicomedes Olaivar isip tigdumala sa General Santos City Police Office giingon niini nga adunay basihan sa pagtudlo sa usa ka opisyal.
Kung siya matud pa ang papili-on nga magdumala sa kapulisan sa syudad mas gustuhon niini si Police Col. Eric de Venancio ug Police Col Garcia.
Apan dili matud pa sila kabalibad tungod adunay tinuod nga basihan ang pagpili nga ginapatuman ang Camp Crame. Kini ang qualification, kasinati-an, eligibility ug daghan pa.
Gawas sa duha ka opisyal may mga pangalan pa sa mga Police Colonel nga gipili-an nga mupuli sa gibiyaan nga pwesto ni Police Col. Joemar Alexis.
