Gidoble karon sa House of Representatives ang ihatag nga cash grant nga anaa sa P6 million alang kang Carlos Yulo kung asa duha ka gold medal ang iyang nasungkit sa 2024 Paris Olympics.
Unang gianunsiyo ni House Appropriations Committee Chairman at Ako Bicol Partylist Rep. Zaldy Co nga maghatag ang Kamara og P3 million tungod sa pagdaug og gold medal niini kaniadtong Sabado.
Si Yulo ang labing unang Filipino nga makauli og duha ka gold medal gikan sa olympics.
Matud kang Speaker Martin Romualdez, gawas sa cash incentives, madawat usab ni Yulo ang congressional medal tungod sa iyang exceptional achievement og contribution sa Philippine sports.
Ang cash incentives gikan sa Kamara gawas pa sa P10-million incentive nga makuha sa usa ka Filipino Olympic gold medalist nga subay sa balaud.
Nagpahigayon usab og fundraising initiative si Speaker Romualdez sa mga lawmakers aron maghatag og dugang insentibo kang Yulo.
Gidayeg ni Speaker Martin Romualdez si Yulo og gibutyag nga siya usa ka “once-in-a-century athlete human makuha ang double gold sa Paris Olympics.
