Gipahamtang sa Sandiganbayan Sixth Division ang 90-adlaw nga preventive suspension batok kang Uswag Ilonggo Party-list Representative James “Jojo” Ang Jr. samtang nagpadayon ang pagdungog sa iyang graft case.
Gipatuman ang maong suspension ubos sa Section 13 sa Republic Act No. 3019 o Anti-Graft and Corrupt Practices Act.
Naggikan ang kaso sa alegasyon sa Office of the Ombudsman nga nagpabilin si Ang nga adunay financial interest o shares sa usa ka construction company samtang nagsilbi isip miyembro sa Kongreso. Ang maong kompanya giingong nakadawat og mga proyekto gikan sa Department of Public Works and Highways o DPWH nga mokabat sa kapin 214 milyon pesos.
Gipanghimakak ni Ang ang alegasyon ug giingon nga nakadivest na siya sa iyang shares sa maong kompanya. Apan sumala sa Sandiganbayan, mandatory ang preventive suspension sa mga public official nga nag-atubang og graft case nga sakop sa maong probisyon sa balaod.
Gipadala na sa korte ang kopya sa suspension order ngadto sa liderato sa House of Representatives aron ipatuman ang maong mando.
