Kalaha, mipalayas sa kawatan human misulod sa usa ka balay sa Chicago

Nagkabad-kabad pagsibat ang lalaki human gigukod og kalaha sa tag-iya sa balay nga gisuwayan niini og saka.

Gikalingawan karon ang maong post sa social media human nga gihimo ug depensa sa tag-iya sa balay nga si Jason Williams sa Logan Square, Chicago ang kalaha kansa nakuhaan og footage.

Kahibaloan nga pauli na unta si Jason gikan sa trabaho dihang nakadawat kini og notification sa iyang phone app nga adunay tawo sa ilang balay hinungdan nga mipauli dayon siya ug dinhi na niini nasakpan ang maong kawatan.

Wala na matud siyay laing nabunlot kun dili ang kalaha lang, rason nga mao na lamang kini ang iyang gigamit paggukod sa kawatan.