Lalaki sa California nakabuhat og 12, 412 pull-ups sulod sa 24 ka oras

Nakabreak og Guinness World Record ang 22-anyos nga atleta gikan sa Virginia nga si Xavier Dillard human siya makabuhat og 12,412 ka pull-ups sulod sa 24 oras.

Gisugdan niya ang iyang pagsulay alas 10 sa buntag sa Sabado ug natapos kini sa parehas nga oras sa Domingo.

Nalabwan niya ang miaging rekord nga 12,345 pull-ups nga gihuptan ni Enrique Zapata niadtong Enero, nga mas labaw og 67 ka pull-ups.

Sumala kaniya, nagsugod siya og hugot nga ensayo tulo ka tuig ang milabay aron malabwan ang iyang higala ug nag-andam alang sa world record sulod sa duha ka tuig.

Ang tanang ebidensya sa iyang nahimo kinahanglan pa nga susihon sa Guinness World Records aron mahimong opisyal ang bag-ong rekord.