Mikanaog isip Arsobispo sa Canterbury si Justin Welby human mapakyas sa pagsiguro nga adunay husto nga imbestigasyon sa mga alegasyon sa pag-abuso sa usa ka boluntaryo sa Christian summer camps, dekada na ang milabay.
Ang senior nga obispo sa Church of England ug espirituhanong lider sa 85 ka milyon nga Anglicans sa tibuok kalibutan, kay nag-atubang sa mga panawagan sa pag-resign niini human sa usa ka taho sa miaging semana nga nakit-an nga wala siya’y igong aksyon aron mapugngan ang usa ka tawo nga gihulagway niini nga lagmit ang labing daghan nga serial abuser sa Simbahan.
Matud sa pahayag ni Welby nga ang katapusang pipila ka mga adlaw nagbag-o sa dugay nga gibati ug lawom nga kaulaw sa makasaysayanon nga mga kapakyasan sa pagpanalipod sa Church of England.
Naglaum kini nga ang nahimong desisyon kat magpatin-aw kung unsa ka seryoso ang Church of England nga nakasabut sa panginahanglan alang sa pagbag-o ug sa lawom nga pasalig sa paghimo sa usa ka labi ka luwas nga simbahan.
Ang paglingkod ni Welby naglangkob sa usa ka dekada nga dagkong kagubot diin napugos siya sa pag-navigate sa mga linya sa mga katungod sa homosexual ug mga klerigo sa kababayen-an tali sa mga liberal nga simbahan, kasagaran sa North America ug Britain, ug sa ilang mga konserbatibo nga katugbang, ilabi na sa Africa.
