Gibalibaran ni US President Donald Trump ang sugyot sa Iran nga pito ka adlaw nga ceasefire ug gipahibalo sa iyang mga opisyal nga gilauman niyang ipadayon ang pagpamomba sa Amerika batok sa Iran human sa midterm elections sa Nobyembre.
Sumala sa mga opisyal sa Estados Unidos, nagpabilin nga nagduhaduha si Trump kung tumanon ba sa Tehran ang mga kondisyon nga gipangayo sa Amerika bisan pa sa padayong negosasyon nga gipatigayon uban sa tabang sa mga regional mediator.
Ubos sa sugyot sa Iran, gipangayo niini sa US nga tangtangon ang naval blockade, buhian ang pipila sa mga nakapundo o frozen assets niini, ug pagaanon ang mga sanksyon sa pagbaligya og lana baylo sa pag-abli pag-usab sa kritikal nga Strait of Hormuz ug pagpadayon sa nuclear negotiations.
Apan pormal nang gipahibalo sa Estados Unidos ang Iran ug ang mga tigpataliwala nga wala kini’y plano nga tangtangon ang kasamtangang maritime blockade sa mga pantalan sa maong nasod.
Bisan pa nga wala pa klaro ang mahimong sakop sa mga sunod nga pag-atake militar sa Amerika, gipadayag sa mga opisyal nga posible gihapon mausab ang posisyon ni Trump samtang nagpadayon ang mga panaghisgot.
