Giingong nakapatay ang Pakistani security forces og pipila ka miyembro sa Afghan Taliban sa utaran sa Pakistan ug Afghanistan, human misulod sa bag-ong pagbakbakan ang duha ka nasod.
Sumala sa mga security source sa Pakistan, nahitabo ang panagsukolay og pusil sa Gulistan area sa utlanan niadtong Biyernes ug padayon pa ang panagsangka.
Wala pa hinuon opisyal nga nakumpirma sa duha ka nasod ang mga report mahitungod sa mga napatay.
Niadtong Huwebes, miingon ang Afghanistan nga mohatag sila og “angay nga tubag” human giingong naglunsad ang Pakistan og airstrikes sa 10 ka lokasyon sa Afghanistan.
Matud sa Pakistani Information Minister Attaullah Tarar, gilunsad ang mga airstrike isip tubag sa giingong “deliberate ug unlawful incursion” sa mga drone ngadto sa teritoryo sa Pakistan.
Gipasalig sa Afghan government nga wala sila naglunsad og drone attack batok sa Pakistan, samtang ang Islamabad nag-akusar sa Kabul nga nagpasilong sa mga armadong grupo nga naglunsad og mga cross-border attack.
