Usa ka dakong landslide ang nahitabo sa Rimbi Village sa Sikkim, India kaniadtong Septiyembre 24 tungod sa padayon nga kusog nga pag-ulan, nga nakadaot sa pipila ka balay.
Sumala sa mga opisyal, miabot ang mga debris sa mga puy-anan sa mga residente sa Yuksom-Tashiding constituency sa West Sikkim.
Lakip sa nadaot ang mga government quarters sa Power Department, samtang pipila usab ka balay ang nadaot o hingpit nga naguba.
Wala may gireport nga kaswalidad sa landslide, apan nagkabalaka ang mga residente tungod sa padayon nga pag-ulan nga posibleng makapalala sa sitwasyon.
Naapektuhan usab ang konektibidad sa pipila ka lugar human nababagan sa mga landslide ug debris ang mga dalan.
Sukad pa niadtong Biyernes, balik-balik na ang landslide sa Rimbi, mao nga gi-hikling na sa gobyerno sa Sikkim ang 35 ka pamilya gikan sa apektadong Singlitam-Rimbi area.
