Misamot ang pagkaylap ang Ebola outbreak sa Democratic Republic of Congo human natala ang mga kaso sa duha pa ka bag-ong health zones, sumala sa World Health Organization o WHO.
Lakip sa mga bag-ong apektadong lugar ang Bulu sa Sud, Ubangi Province ug Dungu sa Haut-Uele Province, nga duol sa utlanan sa South Sudan.
Tungod niini, miabot na sa 63 ka health zones sa pito ka probinsya ang apektado.
Sumala sa WHO, nakatala ang Congo og 7,890 ka kumpirmadong kaso ug 3,799 ka namatay hangtod niadtong Setyembre 23.
Bisan pa og mikunhod ang kinatibuk-ang gidaghanon sa mga kaso, nagpabilin nga dili parehas ang transmission sa nagkadaiyang lugar.
Matod ni WHO Director-General Tedros Adhanom Ghebreyesus, nakababag sa contact tracing ug pag-abot sa mga health worker ang nagpadayon nga panagbangi ug pagbalhin o pagbakwit sa mga residente.
Mahimo usab nga mopataas sa risgo sa transmission ang overcrowding o sobra nga paghuot sa mga tawo sa usa ka lugar.
Dugang ni Tedros, wala pay aprubadong bakuna ug treatment alang sa Bundibugyo strain sa Ebola, busa gipadali sa WHO ang clinical trials alang sa posibleng mga bakuna ug tambal.
Dugang pa niya ang kamahinungdanon sa pagpangandam sa mga nasod batok sa posibleng umaabot nga global health emergencies.
