Nanawagan si Atty. Xavier Palau, representante sa mga homeowner sa Agan Metro, ngadto sa City Council aron mangayo og tabang alang sa mga pamilyang naapektuhan sa magnitude 7.8 nga linog niadtong Hunyo 8.
Matod ni Palau, 134 ka balay ang hingpit nga naguba samtang 32 ang partially damaged, hinungdan nga daghang residente ang napugos sa pagbalhin.
Ilang gihangyo ang nasyonal nga gobyerno nga magpatuman og duha ka tuig nga moratorium sa pagbayad sa housing loan, tungod kay usa lamang ka bulan ang gitanyag sa Pag-IBIG Fund.
Samtang, gikumpirma ni City Disaster Risk Reduction and Management Office (CDRRMO) head Dr. Bong Dacera nga giklasipika sa PHIVOLCS ang maong lugar isip high-risk area tungod sa soil liquefaction.
Girekomenda usab ni Dacera nga dili una magtukod pag-usab og mga balay ang mga residente.
Hinuon, mas maayo nga tabunan una ang mga naguba nga kabalayan alang sa privacy ug magpabilin sa mga temporary shelter hangtod makompleto ang geotechnical assessment ug makahatag ang mga eksperto og kasiguruhan nga luwas na ang lugar.
