GENERAL SANTOS CITY – Muagi sa taas nga proseso ang hisgutanan kung adunay usabon sa bisan asa nga section sa 1987 constitution.
Taas nga proseso nga kung huna-hunaon maabtan pa sa 2025 midterm elections una kini matigayon.
Kini ang panglantaw sa usa ka constition expert sa dakbayan pinaagi ni Atty Leonard Mann.
Matud niini nga ang pag-usab sa batakang balaud adunay tulo ka proseso una ang constitutional assembly nga manginahanglan ug suporta sa 3/4 sa kinatibuk-ang ihap sa Kongreso.
Ikaduha nga proseso mao ang constitutional convention ug ikatulo ang people’s initiative kung asa kini nga proseso manginahanglan ug pirma sa 12 percent sa kinatibuk-ang registered voters sa tibuok nasud ug kinahanglan nga sa matag legislative district adunay tulo ka porsyento sa mga registered voters ang makapirma.
Matud ni Atty. Mann nga kung mahimo na kini dad-on sa comelec main office ang tanan nga dokomento aron beripikahon ang mga mipirma sa dokomento ug kung mapamatud-an nga tinuod ang mga pirma magopagawas ug petsa sa pagpahigayon ug plebisito.
Pangutan-on ang mga residente kung musugot nga bag-uhon O dili ang batakang balaud kun portion niini.
Nasuta nga daghang lugar dinhi sa rehiyon ang nagkumpirma nga nakadawat ug mipirma sa pormas ug gibugti-an ang mga residente ug P100 sa matag pirma.
