GENSAN – Nanawagan si PCol. Nicomedes Olaivar Jr., City Director sa General Santos City Police Office sa katawhan nga ipahibalo dayon sa mga otoridad ang bisan unsang impormasyon kabahin sa mga suspek sa duha ka pagpamusil sa dakbayan kagahapon kung asa 2 ang patay, og angol ang mag-amahan.
Matud ni Col. Olaivar, aduna nay person of interest sa pagpamusil sa usa ka amahan nga giila nga si Raffy Lambac, negosyante ug residente sa maong barangay. Gibutyag sa nasampit nga opisyal nga ang biktima adunay nahibal-an nga krimen og niadtong Nobyembre og Disyembre nakadawat kini og bahad sa kinabuhi.
Sa karon ang biktima anaa pa sa ospital og kritikal ang kondisyon. Samtang ang mga kapulisan, gisusi na ang CCTV Footage ug uban pang ebidensya aron mailhan ang mga suspek ug matino ang posibleng motibo sa krimen.
Kahinumdoman nga muhatod lang unta ang biktima sa iyang anak sa eskwelahan apan gipusil sa duha ka wala mailhing suspetsado.
