GENERAL SANTOS CITY – Gipaklaro sa Municipal Environment and Natural Resorces Office kon MENRO Malapatan, Sarangani Province nga usa ka stingray o pagi ang nakit-an nga panit sa mananap sa Purok Juanicoville, Lun Pandidu sa maong munisipyo.
Una niini gituohan sa ubang mga residente nga basin pako sa “aswang” O “wakwak” ang nakit-an.
Apan gihingusgan ni Joey Coliao, Menro Officer nga ilang personal nga giadtuan ang lugar og napamatud-an nga usa ka pagi.
Base sa Republic Act No. 9147 kon Wildlife Resources Conservation and Protection Act nga bawal ang magkuha sa pagi.
Nasayran nga panit na lang sa pagi ang nakit-an sa lugar og wala na ang unod lakip ang ikog.
Sa pamahayag sa ubang mga residente nga ang ikog sa pagi ang gituohan nga usa ka anting-anting.
