GENERAL SANTOS CITY – Nahan-ay na sa kapulisan ning syudad ang paghatag ug seguredad sa mga aktibidad sa Kalag-kalag. Kini human nagpatawag ug tigum si City PNP Director Col. Aden Lagradante aron iplastar ang seguredad sa mga sementeryo dinhi sa dakbayan.
Gani may kamandu-an na matud pa si Col. Lagradante sa mga hepe nga pangunahan ang pagbantay sa mga sementeryo sa ilang area of responsibility.
Gitugyan usab niini kang Police Major Ananias Vasquez ang pagdumala sa Forest Lake samtang maghatag ug tabang ang mga sakop sa Highway Patrol Group 12. mao usab ang kamandu-an niini sa duha ka hepe sa fatima ug Tambler aron bahinon ang pagbantay sa palibut sa Antonio Acharon Memorial Park.
Matud sa opisyal nga tanan nga sementeryo ang adunay presensya sa traffic enforcer aron mugiya sa mga driver aron mahimong hapsay ang palibut sa sam-ang.
Samtang magpatrolya usab sa syudad ang mga sakop sa Task Group Gensan.
Magsugod ang ilang presensya sugod Oktobre 31 hangtud gabii sa Nobyembre 2.
