Pakyas ang kampo ni kanhi Presidente Rodrigo Roa Duterte ug Sen. Ronald Bato Dela Rosa human gibalibaran sa Korte Suprema ang ilang Petition for Certiorari and Prohibition.
Kini alang matod pa sa hinanaling pagpagawas sa Temporary Restraining Order ug Writ of Preliminary Prohibition ug Mandatory Injunction aron dili mapadala si Duterte sa The Netherlands.
Human sa deliberasyon sa 94 ka panid nga petisyon, ang Korte Suprema niingon nga ang mga petitioner napakyas sa paghatag ug klarong rason sa dinaliang pag-isyu sa TRO.
Kalabot niini, gihatagan sa Korte Suprema og 10 ka adlaw ang mga respondents sa petisyon aron mahatagan ang ilang komento.
Gikompirma usab sa SC nga nakadawat sila og kopya sa duha ka managlahing petition for writ of habeas corpus nga gisang-at batok sa kanhi presidente.
Kini ang gipasaka sa iyang mga anak nga sila si Davao City Mayor Sebastian Duterte ug Veronica A. Duterte.
