-- ADVERTISEMENT --
GENSAN – Gipasabot ni Leah Reformado, Health Education and Promotion Officer sa DOH Soccsksargen, nga bisan pa man og nakadawat na og bakuna ang bata batok sa measles ug rubella, apil gihapon kini sa mga bakunahan tungod kay ang dugang nga bakuna naghatag og mas lig-on nga proteksyon.
Matud pa niya, ang target sa programa mao ang mga bata nga nag-edad og unom ka bulan hangtod 59 ka bulan.
Gidugang usab niya nga nadesisyonan ang pagpahigayon og mas halapad nga Measles-Rubella Supplemental Immunization Activity (MR-SIA) tungod sa pagsaka sa kaso sa tigdas.
Ang tigdas usa ka delikadong sakit ug kon dili kini matutukan dayon, mahimong mosangpot sa seryosong komplikasyon ug bisan ang kamatayon sa pasyente
